Kejhung Serkeseran

serkeseran obih manis
janglajangan daunna nangka le'
kerpekkeran bula nangis
jangbajangan sangghu dhika duuh
jha' neteran ka' perreng pande'
perreng noreh ka' ghabai tete
jha' mekkere ka' reng se tade'
maddhe nyare ka' ghabai ghante

Beremma se atana'a
mun apoiya mate bhai duuh
beremma se ta' enga'a
mon robana le' paddhang bhai duuh
niko' nangka ka' ecacca'a
ecacca'a ka' ghabai ghengan
mun jhet dhika terro loppa'a
maddha ghiba ka' lenjhelenan

tal ontalan main bato
bu' tambu'en main leker duuh
abhekalan gitak tanto
burleburen ta' kuat niser duuh
melle senter tada' batona
epette'a ka' bakto petteng
maske niser tada' parlona
edante'a ta' kera dateng

melle bherres padi gheghe
ecerrowa tepotena duuh
dhika belles de' ka bule
dherterrossa le' ka atena duuh
melle nangka ka' ka rosbheje
mon eyorap campor so ghule
mun jhet dhika ka' ta' parcaje
maddha porak ka' dada bule

(Pria> Marena pas dekremma le'..
mun lakar sedeh belles dek sengko')

(Wanita> nape can dhika ka'...)

(Pria> oo mun de'iye le' mayu sedeh
pas noro' sengkok)

(wanita>aduh ka'...
ma' ta'dherbenderen bhei
ghi' asemmonan)

(pria> biasa le' reng madhure)